វេទិកាពិគ្រោះយោបល់ជាមួយអង្គការមិនមែនរដ្ឋាភិបាល សមាគម និងសហគមន៍នានាក្នុងខេត្តព្រះវិហារ

រដ្ឋបាលខេត្តព្រះវិហារ នៅព្រឹកថ្ងៃទី១៦ ខែកក្កដា ឆ្នាំ២០២៥ បានរៀបចំវេទិកាពិគ្រោះយោបល់ជាមួយអង្គការមិនមែនរដ្ឋាភិបាល សមាគម និងសហគមន៍នានា ដែលធ្វើសកម្មភាពក្នុងខេត្តព្រះវិហារ ស្ថិតក្រោមអធិបតីភាពរបស់ ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ និងមានការអញ្ជើញចូលរួមពីសំណាក់ ឯកឧត្តម អភិបាលរងខេត្ត លោក លោកស្រី ប្រធាន អនុប្រធានមន្ទីរ អង្គភាព ជុំវិញខេត្ត កងកម្លាំងទាំង៣ អភិបាលក្រុង ស្រុកទាំង៨ និងអ្នកពាក់ព័ន្ធជាច្រើនរូបទៀត ស្ថិតនៅសាលប្រជុំប្រាសាទព្រះវិហារ អគាររដ្ឋបាលសាលាខេត្តព្រះវិហារ។

ឆ្លៀតក្នុងឱកាសនេះដែរ ឯកឧត្តម អភិបាលខេត្តបានថ្លែងនូវការកោតសរសើរ និងវាយតម្លៃខ្ពស់ ចំពោះអង្គការមិនមែនរដ្ឋាភិបាល សមាគម និងសហគមន៍នានា ដែលបានចូលរួមកិច្ចសហប្រតិបត្តិការ និងសហការ គាំទ្រ រដ្ឋបាលខេត្តព្រះវិហារ ក្នុងការងារមនុស្សធម៌ គ្រោះមហន្តរាយ កិច្ចការ អភិវឌ្ឍន៍មូលដ្ឋាន និងវិស័យនានាជាច្រើនទៀត។ ជាក់ស្តែង កន្លងមកយើងបានឃើញពី លទ្ធផលជាច្រើនដែលកើតចេញពី ភាពជាដៃគូរបស់យើង ដូចជាការផ្តល់ជំនួយសង្គ្រោះបន្ទាន់ដល់ប្រជាពលរដ្ឋរងគ្រោះដោយគ្រោះធម្មជាតិ, ការជួយនៅមណ្ឌល សុវត្ថិភាពវត្តពោធិ៍ ៥០០០ដើម និងការជួយគាំទ្រដល់កម្មវិធី អប់រំអនាម័យ, អាហារូបត្ថម្ភ, សុខភាពមាតា និងទារក នៅតាម សហគមន៍ជាដើម ជាពិសេស គឺបានសហការក្នុងការរៀបចំ វេទិកាពិគ្រោះយោបល់នេះឡើង ក្នុងគោលបំណងដើម្បីពង្រឹងកិច្ច សហការរវាងអង្គការមិនមែនរដ្ឋាភិបាល សមាគម សហគមន៍ ជាមួយនឹងរដ្ឋបាលខេត្តព្រះវិហារ។

តាមរយៈការរៀបចំវេទិកានេះឡើង ក៏ជាឱកាស នៃការបង្ហាញនូវ លទ្ធផលដែលបានអនុវត្ត និងពិភាក្សាគ្នាត្រង់ទៅត្រង់មក ដើម្បីស្វែងរកដំណោះស្រាយរួមមួយ ក្នុងគោលដៅលើកកម្ពស់កិច្ចសហប្រតិបត្តិការ ក្នុងភាពជាដៃគូ ប្រកបដោយបរិយាបន្ន និង សាមគ្គីភាព រវាងរដ្ឋបាលខេត្ត និងអង្គការសង្គមស៊ីវិល សមាគម សហគមន៍។

តាមរយៈការរៀបចំវេទិកានេះឡើង ក៏ជាឱកាស នៃការបង្ហាញនូវ លទ្ធផលដែលបានអនុវត្ត និងពិភាក្សាគ្នាត្រង់ទៅត្រង់មក ដើម្បី ស្វែងរកដំណោះស្រាយរួមមួយ ក្នុងគោលដៅលើកកម្ពស់កិច្ចសហ ប្រតិបត្តិការ ក្នុងភាពជាដៃគូ ប្រកបដោយបរិយាបន្ន និង សាមគ្គីភាព រវាងរដ្ឋបាលខេត្ត និងអង្គការសង្គមស៊ីវិល សមាគម សហគមន៍។

វេទិកានេះ បានចូលរួមផ្លាស់ប្តូរព័ត៌មាន និងបទពិសោធន៍ អំពីសកម្មភាព និងគម្រោងនានាដែលកំពុងអនុវត្តន៍ និងអាចឈានទៅកំណត់បញ្ហាប្រឈមរួម និងស្វែងរកដំណោះស្រាយប្រកបដោយប្រសិទ្ធភាព និងពង្រឹងយន្តការសម្រប សម្រួល និងភាពជាដៃគូឱ្យកាន់តែតម្លាភាព និងទុកចិត្តគ្នាទៅវិញទៅមក ព្រះទាំងអាចនឹងដាក់បញ្ចូលបន្ស៊ីគ្នានូវផែនការសកម្មភាពរួម ដើម្បីឆ្លើយតបទៅនឹងតម្រូវការជាក់ស្តែង របស់ប្រជាពលរដ្ឋនៅតាមមូលដ្ឋាន ផងដែរ។

រដ្ឋបាលខេត្តព្រះវិហារ ក៏បានកំណត់នូវទិសដៅក្នុងការបន្តពង្រឹងកិច្ចសហការយ៉ាងជិតស្និទ្ធ និងផ្តល់ការគាំទ្រពេញទំហឹងដល់អង្គការ មិនមែនរដ្ឋាភិបាល សមាគម និងសហគមន៍ទាំងអស់ ដើម្បីធានាថា រាល់កិច្ចខិតខំប្រឹងប្រែងរបស់យើងទាំងអស់គ្នានឹងទទួល បានផ្លែផ្កាជាទីគាប់ចិត្ត។ យើងរីករាយស្វាគមន៍រាល់មតិយោបល់ស្ថាបនា និងសំណូមពរនានា ពីសំណាក់ដៃគូអភិវឌ្ឍន៍ទាំងអស់ ដើម្បីរួមគ្នាកែលម្អ និងពង្រឹងប្រសិទ្ធភាពការងាររបស់យើងបន្ថែមទៀត